Kva har eg gjort feil ?

Eg var på ei lita fellestrening på laurdag, ja det var så klart veldig kjekt med fellestrening !

Plask var den hunden som trakk loddet og blei med på trening, fin trening, der ser eg Plask har gode kvaliteter på det ho kan, ja det ho kan! Det ho ikkje kan brukar eg ikkje på fellestreningar, dette er slikt som sideteikn og stopp på djupe og lange avstandar. Eg vil ikkje sjå igjennom fingra å etablere ting eg ikkje vil ha langt der ute.. men så kommer kva eg opplevde.

Vi tok ein så kalla mini draiv, vi gjekk på fot ca 150 meter kasta ut to dummy kvar ( fem hundar) så 10 kast og skot + litt hipp hipp, såleis bra påverknad. Vi gjekk så på linje dei ca 150 til 200 meter tilbake. Når vi skulle sende, var det fleire som prøvde og hundane gjekk ikkje på første forsøk, Plask fekk så prøve og ho gjekk på første forsøk som eg hadde forventa. Etter at fem hundar hadde henta skulle Plask hente sin nummer 2 då går ho ikkje frå fot, men nøler og nøler så eg må for flytte meg fleir meter framover før ho går ut.

Dette opplever eg faktisk på utsending nummer 2 også på korte avstandar, men nummer 3 går ho fort å rett 🙂 Kan det være så enkelt som Plask er usikker på oppgåva, har eg trena så mykje stopp å alternativ på nummer 2 apport at ho verge fordi ho er usikker ?

Ja, ting er enkle i ein hunds hovud, derfor må eg også tenke enkelt, ein WP hund vil alltid gjer rett, og kjenner fort igjen situasjonen, kva skjer no skal eg stoppe ein plass tru, skal eg stoppe å gå hit eller dit ? kan det sitte i hodet på ein WP hund. Som med Plask og fart på nummer 1 nøle på 2 full fart på nummer 3 igjen. Ja trene hund kan være å knekke nøtter !

Har ein liten film eg hadde tenkt å poste med tema, “sideteikn”, men no har eg sett på filmen vedrørande dette mønstret som eg trur kan føre til nølinga på apport 2, her ser vi 4-5 apportar og eg ser også kva punkt ho nøle på. “Ein film kan nyttast til mange studiar”.

Det blir ei periode no vi skal gå tilbake til lange linjer, fart og trøkk 🙂 Men eg kommer ikkje til å sleppe perfeksjonisten i meg, det blir berre litt om prioritering av treningsmønster.